Indirimbo ’’Despacito’’ mu kibanza ca mbere mu zarabwe incuro nyinshi kuri YouTube

Yanditswe na MUGISHA Van Naris
Kuya 8 août 2017 saa 02:41
Yasomwe : 1971
0 0

Inyuma y’amezi indwi gusa hasohotse indirimbo "Despacito" y’umuririmvyi Luis Fonsi ari kumwe na Daddy Yankee yabaye indirimbo ya mbere yarabwe n’abantu benshi ku buhinga bwa none bwa YouTube kuva mu mwaka wa 2015.

Indirimbo "Despacito" yatwaye ico kibanza indirimbo "See You Again" yaririmbwe na Charlie Puth ari kumwe na Wiz Khalifa mu guha icubahiro no kwibuka umukinyi w’amareresi filime Paul Walker.

YouTube yamenyesheje iyi nkuru kuwa gatanu igenekerezo rya 4 Myandagaro 2017, ko indirimbo ‘’Despacito’’ ibaye iya mbere muri kahise ka YouTube irabwe n’abantu benshi kuko imaze kurabwa incuro 3,075,291,455.

Igitigiri c’abantu baravye indirimbo ‘’Despacito’’ batuma iba iya mbere, baharuwe hatarimwo abaravye iyasubiwemwo na Justin Bieber,kuko yoyo imaze kurabwa n’abantu incuro imiriyoni 464 mu mezi yababa ane aheze igiye ahabona.

Luis Fonsi yaririmvye indirimbo "Despacito" yanditse kuri Instagram avuga ati : "Ni ivy’icubahiro, amashusho yarabwe cane kurusha ayandi muri kahise kandi akaba aya mbere arabwe incuro imiliyaridi zitanu. Mwarakoze mwebwe mwese mwabigizemwo uruhara, namwe bakunzi mwayishimiye."

Hari haheze imyaka irenga itanu PSY yakoze indirimbo yitwa Gangnam Style ariyo iza mu kibanza ca mbere irabwe incuro zirenga umuriyaridi kuri YouTube kuva ishizweho mu mwaka wa 2005.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha