Leonard Niyomwungere yavuguruje Cedric Bangy ku kibazo ca Meddy

Yanditswe na Cherif NKESHIMANA
Kuya 10 Nyakanga 2017 saa 01:21
Yasomwe : 22140
0 0

Inyuma y’aho bivugiwe ko umuririmvyi Meddy ashobora kwitwarirwa n’ishirahamwe ry’abaririmvyi bishinze impunduka (Union des Artistes pour le Changement), bamwe mu baririmvyi babona ko uwo muririmvyi wo mu Rwanda ata kosa yagize, kuko nawe yohava yitwarira abavuza indirimbo ziwe ataruhusha yatanze.

Leonard Niyomwungere, umuririmvyi w’umurundi aririmbira muri Canada, ntabona kumwe na Cedrick Bangy ku kibazo ca Meddy. Mu gihe Cedrick Bangy asanzwe arongoye ishirahamwe ry’abaririmvyi bishinze impinduka (Union des Artistes pour le Changement) yanditse ko Meddy ashobora kwitwarirwa kubera yacishije amahera n’amateka uririmbo ry’umuhisi Canco Amissi, Leonard wewe siko abibona.

Leonard ati : "Numvise ko hari abashaka gukurikirana umuririmvyi Meddy mu butungane kubera ngo yasubiyemwo ururirimbo rwa Canco Amisi mu giteramo. Muturangire uwo mu Juge wa droit d’auteur muri Région des Grands Lacs adukurikiranire ama Radios n’ama TV yose bivuza indirimbo zacu tutayahaye uruhusa, emwe n’umuryango wa Canco nawo ubonereho na Meddy nyene ahabwe agashumbusho kuko indirimbo ziwe ziravuzwa cane ataruhusha yatanze. Mugabo aho mpereye muri Amerika mpora mbona mu ma festivals akomeye abasubiramwo Bob Marley kuva ku ntango gushika guheza ariko ntihagire uwubakoma."

JPEG - 87.1 ko
Leonard Niyomwungere, umuririmvyi w’umurundi aririmbira muri Canada

Tubibutse ko Meddy ariko yagirizwa kuririmba mu giteramo yaremesheje muri Reta zunze ubumwe za Amerika, ururirimbo "Ntacica nk’irungu" ry’umuhisi Canco Amissi.


Kumenyekanisha

1
KB 10-09-2017 à 18:43

Mu minsi ishize mu Rwanda habaye Gala Dinner yo kwita ingagi amazina, umuhanzi ukomeye cyane The Ben asubiramo indirimbo nk’eshatu z’abandi bahanzi, zirimwo Ingendo y’abeza y’ikinyarwanda n’izindi ebyiri z’icyongereza zamamaye kw’Isi hose z’abanyamahanga Stevie Wonder na Percy Sledge, none ko banyirazo n’imiryango yabo batajyanye The Ben mu nkiko? Abashaka kujyana Meddy mu nkiko barata umwanya w’ubusa. Kandi igitangaje muri byose, nuko iyo Canco aza kuba akiriho niwe warigufata iya mbere ashimira umu jeune nka Meddy wibuka guhesha agaciro indirimbo z’abahanzi ba kera imbere y’ibihumbi n’ibihumbagiza by’abafana.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha