Masterland yagize Tombola kuwotora izina ry’umutwe w’ururirimbo

Yanditswe na Cherif NKESHIMANA
Kuya 6 Nyakanga 2017 saa 10:59
Yasomwe : 2052
0 0

Masterland agiye gushira ahabona ururirimbo yagize nk’agaseke gapfundikiye k’abakunzi biwe. Urwo ruririmbo, Masterland yarugize Tombola. Urwo rero ruzosohokera mu giteramo agiye kuzoremesha ari kumwe n’abandi baririmvyi bagenzi biwe.

Ku rubuga rwiwe rwa facebook, Masterland yatanze Tombola. Iyo nayo ihagaze kw’izina ry’umutwe w’ururirimbo agiye kuzoshira ahabona. Yandika ko urwo ruririmbo n’isanamu yarwo rufise izina ry’umukobwa ritangurwa n’urudome "A". Abandanya yandika ko uwa mbere yotora izina ry’urwo ruririmbo azomuha ama "unite" y’ibihumbi bitanu (5000).

Urwo ruririmbo yagize nk’agaseke k’abakunzi biwe, ruzoja ahabona mu giteramo co kw’igenekerezo ry’icenda Nyakanga kuri One People mu Gasenyi.

Mu giteramo co gusozera uburuhuko ku banyeshure, azoba ari kumwe na Happy Famba, Frank G80, Chany Queen, Kolly the Magic na Black G, hamwe n’abandi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha