R Kenny arashimira umukobwa yemeye kuja muri video yiwe

Yanditswe na Cherif NKESHIMANA
Kuya 4 novembre 2017 saa 12:43
Yasomwe : 4356
0 0

R Kenny yasubiye gukorana n’abahinyanyuzi mu gusohora ururirimbo rushasha agiye no gukorera amasanamu kandi afitiye imigambi myinshi. R Kenny avuga ko urwo ruririmbo ruje gutera intege abakundana.

"Reka ngukunde"ni ururirimbo rushasha rwa R Kenny yaraye ashize ahabona, rukaba rwasohotse inyuma y’igikorwa yakoreye muri "Mayibobo Records" n’umuhinyanyuzi Steve.

Uwo muririmvyi avuga ko urwo ruririmbo arufitiye imigambi ikomeye, muri iyo aravuga k’urukorera video mu kwezi kwa Kigarama umwaka w’i 2017. Muri izo nteguro zo gukora iyo video, R Kenny ategekanya hazobonekamwo amashusho y’ibibanza bikundwa n’abantu benshi aha i Bujumbura.

R Kenny yemeza ko izoba video ya mbere azomenyekanisha gusumba izindi. Aranashimira umwigeme yemeye kuzoja muri iyo video.

Mu kiyago yagiranye na IGIHE, uwo muririmvyi avuga ko ururirimbo rufise ubutumwa bukurikira :"Reka ngukunde n’indirimbo itera inguvu umukunzi wawe mu gihe benshi bakubwira ingeso mbi zimuranga ariko wewe ukaba atana kimwe uramubonako cobatanya barawuciye basokuru bati:uramwanka umwiyumviye abantu barateranya."

R Kenny arangiza abwira abakunzi biwe ko agiye gukora ama video y’indirimbo ziwe nk’uko bakunze kubimusaba igihe aba ari mu biganiro.

Umviriza aha munsi ururirimbo " Reka ngukunde" rwa R Kenny


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha