Spok’s yatanze ubutumwa inyuma yo gusohoka ibitaro

Yanditswe na Cherif NKESHIMANA
Kuya 9 Gitugutu 2017 saa 09:47
Yasomwe : 3960
0 0

Spok’s yaraye asohotse ibitaro yari amazemwo ikiringo c’indwi yose. Avuga ko ari indwara ya Malariya yamuryamitse mu bitaro. Arashimira abamusuhuje, n’abo bitakunze ko bahashika.

Mu butumwa yatanze igihe yari avuye gusenga kuri uwu w’Imana, yagize ati : "Icubahiro kibe ic’IMANA yo yankijije Malaria yari imazeko imisi, ubu nakize meze neza naraye nsohotse ibitaro murabona ko mvuye gusenga."

Arongera ati : "Nagire mfate akanya nshimire cane incuti n’abagenzi umwe wese mu cubahiro ciwe ku kuntu mwambaye hafi aho nari ku musego. Ndashimiye abigoye bose bakahashika n’abavyiyumviriye bakabura akanya, abansengeye bose, n’abanyandikiye bose ubutumwa bw’indemesho."

JPEG - 82.2 ko
Spok’s avuye gusenga kuri uwu w’Imana

Spok’s avuga ko naho vyari ibihe bigoye yarabonye ko afise abakunzi benshi, arongera ati : "Muri benshi cane vy’ukuri narabonye ko mumfise ku mutima, ubutumwa bwanyu ( sms) mbandanya ndabusoma naho ari bwinshi kandi bwose nzobwishura."

Baba abamusuhuje canke abatabikoze, Spok’s ati : "IMANA ibampezagirire kandi mumenye ko ndabakunda cane."

Tubibutse ko Spok’s yahora arwariye mu bitaro vy’ababikira biri hagati mu gisagara ca Bujumbura.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha