Accueil > Kwidagadura > umucuraranzi > Umuririmvyi Yves KAMIKIWE yashize ahabona indirimbo nshasha
Umuririmvyi Yves KAMIKIWE yashize ahabona indirimbo nshasha
mercredi 31 Rusama 2017
Yves KAMIKIWE amenyesha ko iyo ndirimbo yayanditse afise intumbero yo gutanga ubutumwa ku mugenzi wiwe yagiye mu mahanga,kugira agaruke amwereke ubwiza bw’Uburundi,abonereho n’akaryo ko kumumara inkumbu.
Mu ntumbero yo kwerekana ico iyo ndirimbo yisangije Yves KAMIKIWE yavuze ati :«Indirimbo nshasha ‘’Ni uve mu mahanga’’ ifise ico yisangije,kuko ivugijwe mu mudiho w’ikirundi.»
Umuririmvyi Yves KAMIKIWE amenyesha kandi ko indirimbo ‘’Ni uve mu mahanga’’ izocishwa cane ku buhinga bwa none, mu ntumbero yo gutuma abari mu mahanga bashikirwa n’ubutumwa buvuga ibibanza vyiza vy’iratiro biri mu Burundi,gutyo bagaruke kuraba ubwiza bw’igihugu babubwire n’abanyamahanga.
Yves KAMIKIWE agasaba abakunzi b’umuziki bose kwitaba igiteramo ategura kuremesha kw ‘isango azomenyesha, aho azoba ariko ashira ahabona urukurikirane rushasha ‘’Umwanya’’.
MUGISHA Van Naris
