Accueil > Kwidagadura > umucuraranzi > Kidumu > inkuru > Igiteramo co muri Havana Night Club casibijwe
Igiteramo co muri Havana Night Club casibijwe
jeudi 19 Ruheshi 2014
Umuririmvyi Kidum yari yatangaje ko agiye kugira igiteramo i Bujumbura ku munsi mpuzamakungu wahariwe umuziki. Yatangaje ko igiteramo casivye ku mvo zitamuvuyeko.
Igiteramo cobaye kuri uwo wa gatandatu w’igenekerezo rya 21 Ruheshi mu nzu y’ubutambiro Havana Night Club. Ico giteramo cari gifise intumbero 2, imwe yari iyo kwifadikanya n’Abarundi guhimbaza umunsi mukuru mpuzamakungu wahariwe umuziki, iyo ntumbero yari iyo kuvuga uko isabukuru Buja Summer Fest izogenda ku ncuro yayo ya kabiri.
Kidum yanditse asaba imbabazi uku gukwirikira : "Ndabaramukije! Jewe nabo dukorana ngaha i Nairobi nabari hanze hakurya yamazi turabamenyesheje yuko concert yari itegekanijwe kubera i Bujumbura itariki 21 zuku kwezi kwagatandatu itakibaye. Tuzobamenyesha umusi izoberako. Murakoze
Hari amakuru avuga ko Kidum afise ibiteramo vyinshi muri ino minsi, kuko uwo muririmvyi aronderwa henshi. Muri ivyo biteramo, Kidum yatangaje igiteramo kizobera mu Bwongereza kw’igenekerezo rya 5 Mukakaro. Muri Myandagaro, azoba ari muri Canada. Kw’igenekerezo rya 02 Myandagaro azoba ari Toronto, kurya 9 naho akazoba ari Montreal aho hose azoba ari kumwe n’ibihangange vyo mu karere ka Afrika y’ubuseruko nka Knowless, Diamond, Dr Claude na Juliana.
Uko ibiteramo vyiwe bikurikirana
Cherif Nkeshimana
