Kiyoyo Juma yizeye ko Kidum atazomugira nka Fariouz

Ibiteramo biremeshwa n’abaririmvyi b’Abrundi birabandanya gutunganywa naho hari ibiheruka gusiba. Kiyoyo Juma ariko ategurira Kidum ibiteramo bitatu mu bisagara bitatu vyo mu gihugu ca Afrika y’epfo.

Kidum

Igiteramo ca mbere ca Kidum kizobera mu gisagara ca Cape Town kw’igenekerezo rya 08 Munyonyo, ibindi biteramo bizoba ari ku magenekerezo akurikira : i Durban igenekerezo rya 14 Munyonyo hamwe n’i Pretoria kuwa 15 Munyonyo naho impapuro zibitangaza zitarahera gukorwa nk’uko Kiyoyo Juma abitumenyesha.

Kiyoyo Juma avuga ko ata bwoba afise ko Kidum ashobora gusiba nk’uko Fariouz yabigize, Kiyoyo ati :" Oya kidumu n’umushinganahe tuvugana iminsi yose, ndamukeneye ndamuronka". Kiyoyo Juma ntashima kuvuga ku bijanye n’amasezerano bagirana n’abo baririmvyi ku bijanye n’amahera. Agira ati :" Ni ibanga". Arongera akavuga ko bivana n’umuririmvyi bagiye gukorana, nka Kidum akunda ko amuriha imbere, mu gihe Fariouz nawe bagabura ayo bashoboye gutoza mu giteramo. Icagumye ari ibanga ni ayo amahera abariha. Kiyoyo Juma azoshika muri Afrika y’Epfo kw’igenekerezo rya 31 Gitugutu.

Kiyoyo Juma

Tubibutse ko Fariouz aheruka gusiba mu biteramo vyari vyateguwe na Kiyoyo Juma muri Afrika y’Epfo ku mvo zitaratomoka neza kuko ivyo Kiyoyo yagiriza uwo muririmvyi yarabihakanye nawe akamwagiriza ibindi. Hari mu magenekerezo ya 18 na 24 Nyakanga mu bisagara vya Durban, Johannesburg na Cap Town.

Raba aha munsi ibijanye n’amasaha n’amahera yo kwinjira.

Umviriza urabe n’isanamu y’ururirimbo "Mungu Anaweza" ya Kidum