Accueil > Kwidagadura > umucuraranzi > Chris Brown > Ukwigenza nk’inyamaswa kwa Chris Brown kwatumye amenyekana nabi
Ukwigenza nk’inyamaswa kwa Chris Brown kwatumye amenyekana nabi
vendredi 22 Munyonyo 2013
Inyuma y’umunsi umwe umuririvmyi Chris Brown ategetswe n’umucamanza gusuzumwa kugira barabe nimba atanywa ibiyovyabwenge bikamutera kugira ishavu ryinshi, aho akubita abantu, uwo muririmvyi yasavye ko yokwemerererwa akaza arinywera ikiyovyabwenge ca marijuana kugira kimufashe kugabanya ishavu n’amanyama.
Nk’uko amakuru dukesha Radaronline abivuga, uyo musore w’imyaka 24 ntagishaka kubandanya afata imiti imufasha gutekereza, ishavu n’amanyama bigabanuke, nk’uko yari yategetswe kuyifata. Ahubwo we yumva yohabwa ikiyovyabwenge ca marijuana nk’umuti w’ugukara. Mukamenya ko marijuana isanzwe yemewe kunyobwa mu gisagara ca California.
Nk’uko Radaronline kibandanya kibivuga, imiti Chris Brown yategetswe gufata yomufasha gutekereza, ituma atumva neza kandi aguma yumva inyota irenze. Kuva kera Chris yamye anywa marijuana kugeza iki igihe umucamanza yabimubujije. Ibintu bimaze iminsi bimubako vyamutwaye ikibanza yahorana na rirya ari mu baririmvyi bo kw’isi bamenyekanye cane.
Ukwigenza nk’inyamaswa kwa Chris Brown kumaze kumutariza vyinshi kandi yarageze ku ntambwe ikomeye mu myaka mike afise. Bitumye rero urukwirikirane “X-files”,( iryo zina ntiriramenyekana neza) ririmwo indirimbo zitanu nka”War for U”, rutazosoha vuba.
Cherif NKeshimana
