Umuririmvyi Femi De J’Abat yasanze abarimyi ku kivi

Yanditswe na IGIHE
Kuya 7 Mukakaro 2016 saa 08:30
Yasomwe : 12600
0 0

Abanyagihugu bo mu bwoko bw’abatwa bafashwa n’ishirahamwe VONECOVIC (Voix Neutre Contre La Violence et Injustice à travers les Chansons) aho bari ku kivi, bakiriye umushitsi bari basanzwe bamenyereye. Umuririmvyi Nsengiyumva Minani Felicien benshi bazi kw’izina rya Femi De J’Abat, mu rugendo arimwo mu Burundi, yishikiye kuraba itongo ry’ishirahamwe VONECOVIC ririmwa n’abo banyagihugu.
Iryo tongo riri muri zone Maramvya, komine Mutimbuzi, mu ntara ya Bujumbura benshi bita Bujumbura rural. (...)

Abanyagihugu bo mu bwoko bw’abatwa bafashwa n’ishirahamwe VONECOVIC (Voix Neutre Contre La Violence et Injustice à travers les Chansons) aho bari ku kivi, bakiriye umushitsi bari basanzwe bamenyereye. Umuririmvyi Nsengiyumva Minani Felicien benshi bazi kw’izina rya Femi De J’Abat, mu rugendo arimwo mu Burundi, yishikiye kuraba itongo ry’ishirahamwe VONECOVIC ririmwa n’abo banyagihugu.

Iryo tongo riri muri zone Maramvya, komine Mutimbuzi, mu ntara ya Bujumbura benshi bita Bujumbura rural. Abanyagihugu bafashwa n’iryo shirahamwe ryatangujwe n’uwo muririmvyi bavuga ko ico kibanza kibafitiye akamaro kanini, kuko baharima ibibatungira ubuzima. Mw’irima riheruka, abo banyagihugu bari bahateye ibiharage n’ibigori, ubu bakaba bariko bitegurira kuhatera imyumbati.

Mu migambi ya kazoza k’ico kibanza, umuririmvyi Femi De J’Abat amenyesha ko ishirahamwe VONECOVIC rizohororera ibitungwa bitandukanye, hamwe n’iyindi migambi y’iterambere ry’abanyagihugu bo mu bwoko bw’abatwa bafashwa n’iryo shirahamwe. Abo banyagihugu barashima iyo migambi, bagasaba ko n’uwoba ashaka kurimisha yobikorako, kuko basanzwe ari benshi bakorera hamwe.

Umuririmvyi Femi De J’Abat ahamagarira abo banyagihugu gukunda ibikorwa, kuko arivyo mushinge w’ubuzima.

Mu muziki w’Uburundi, umuririmvyi Femi De J’Abat ubu asigaye aba mu gihugu ca Norvège azwi mu ndirimbo nka Kuba kw’isi ni ukwitonda, Nkunda Cheri, Reviens mon amour, Ikibi ni akanwa, Umunyenga. Ari mu karuhuko mu Burundi, kuva kw’igenekerezo rya 29 Ruheshi 2016, akaba yazananye n’imfura yiwe Divine Mugisha, nawe nyene asanzwe ari umuririmvyi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha