Bujumbura : Abakunzi ba KOFFI OLOMIDE bahawe igiteramo bazokwinjira ku buntu

Yanditswe na Vianney BIKORIMANA
Kuya 30 Ruheshi 2017 saa 11:36
Yasomwe : 13671
0 0

Umuririmvyi rurangiranwa KOFFI OLOMIDE aturuka mu gihugu kibanyi ca Repuburika iharanira intwaro rusangi ya Kongo, akaba ari mu gisagara ca Bujumbura kuva kuri uwu wa kane, agiye kuremesha ibiteramo bitandukanye bitangura kuri uwu wa gatanu.

Alain NOVA IRAMBONA wo mu mugwi "EMPIRE Media" watunganjie ibiteramo vy’umuririmvyi KOFFI OLOMIDE, amenyesha ko abakunzi b’uwo muririmvyi bazomubona mu biteramo bitatu bitandukanye.

Kuri uwu wa gatanu igenekerezo rya 30 Ruheshi 2017, kuri Zion Beach, isaha zibiri z’ijoro : kwinjira ni amafaranga ibihumbi 100 hamwe n’amafaranga ibihumbi 200 mu bibanza vy’iteka (VIP).

Ku musi wa gatandantu ,igenekerezo rya mbere Mukakaro 2017, kw’ishure Scheppers benshi bita EFI Nyakabiga, isaha icenda z’umuhingamo, kwinjira ni ibihumbi 10 hamwe n’ibihumbi 30 mu bibanza bw’iteka.

Ku musi w’Imana igenekerezo rya 2 Mukakaro 2017, kw’ishure Scheppers Nyakabiga nyene, isaha icenda z’umuhingamo, mu giteramo abakunzi ba Koffi bazokwinjira ku buntu. Muri ico giteramo, Antoine Christophe Agbepa Mumba batazira Koffi Olomide azoba ari kumwe n’abandi baririmvyi batandukanye mu gihugu c’Uburundi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha