Sat-b: "Aba Boss banje barindire gato uririmbo "Ivyo Bintu"

Ururirimbo "Ivyo bintu" rwa Sat-b rusohoka mu mwanya muto. Uwo avuga ko umwanya ushobora kutarenga amasaha mirongo 24. Sat-b avuga kandi ko adashobora kutubwira ubutumwa burimwo, kuko rutarasohoka. Ati : "Karacari agaseke gupfundikiye, kazopfundururigwa abakunzi banje". Urwo ruririmbo rwakozwe n’abahinyanyuzi Washington afadikanije na AmirPro. Na Kolly yararukozeko.

Ku rubuga rwiwe rwa facebook, yanditse ati : "Hello aba boss banje Bwakeye.....Tangura Guharura amasaha 24H Gusa. Buja Flavour Izoba yakiriye New Hit song yanje. Babwire bagabanye ubwoba Ka ga petit kananiranye karagarutse.......andika ivyobintu muri Commentaire turabe uko mungana."

Mukurangiza, Sat-b amenyesha ko ataza kuja mu giteramo ca Kigingi kibera kuri La Bamba. Imvo n’uko asanzwe afise ibindi bikorwa bimufatiriye. Naho biri uko, Sat-b atumenyesha ko yatanze intererano yiwe. Asaba kandi abakunzi biwe ko boja gushigikira mugenzi we kigingi.