Mkombozi yimosheje ubusage avuga bwari bubitse amadayimoni

Yanditswe na Cherif NKESHIMANA
Kuya 11 Gitugutu 2017 saa 10:19
Yasomwe : 21159
0 0

Mkombozi abandanya ahindura bimwe muvyo yakunda, ariko ubu akaba yibaza ko vyari ibisaka amadayimoni yinyegezamwo nk’uko avyivugira. Ku mpanuro za Pastori, imishatsi y’ubusage canke Dreadlocks yahorana yayimosheje.

Ifoto iriko ivugwa cane ni iya Mkombozi yimosheje ubusage canke ama dreadlocks. Ku rubuga rwiwe rwa facebook, Nzeyimana Thomas avuga ati : "Ejo umukozi w’Imana Bishop Rugagi ahejeje kumpanura gukurako imishatsi, nanje sinayinjiranye mu nzu naciye nja kuyikurako."

Muri ubwo butumwa nyene, Mkombozi arerekana ko ari mu rugamba rwo gutsinda amadayimoni.

"Hari igihe ibidayimoni vyihisha aho bizi ko atawuzohakora, nk’uko nanje ntashaka kuwimwesha, ariko simvuzeko ama dreadlocks arimwo amadayimoni ariko izanje zarimwo amadayimoni."

Ivyo Mkombozi abivuze inyuma y’aho atangarije ko agiye kuririmbira Imana no kuyikorera, mu nyuma agasohora n’ururirimbo yise "Mana Dutabare" ari narwo rwa mbere aririmbiye Imana.

JPEG - 58.7 ko
Thomas avuga ati : "Ejo umukozi w’Imana Bishop Rugagi ahejeje kumpanura gukurako imishatsi, nanje sinayinjiranye mu nzu naciye nja kuyikurako"

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha