Natacha yafashwe amafoto yambaye akamwanya

Yanditswe na Cherif NKESHIMANA
Kuya 25 Nyakanga 2017 saa 04:48
Yasomwe : 30384
0 0

Hariko herekanwa amafoto atangaje y’umuririmvyikazi Natacha NGENDABANKA aho inyambaro yiwe yatangaje benshi. Ayo mafoto ariko akwiragizwa yafashwe Natacha ari mu giteramo giheruka kubera ku kibuga ca "Tempete".

Nk’uko yari yabivuze mu kiganiro n’abamenyeshamakuru, Natacha yari yemeje abari aho ko azokora ibara mu giteramo azosangira na Sauti Sol na Big Fizzo. Muri ico kiganiro nyene, uwo muririmvyikazi yari yavuze ko azokwerekana koko ko ari umwamikazi w’uruhimbi (Podium).

Mu giteramo c’indirimbo n’intambo vy’ikibiriraho (Music Live), ari kumwe n’umurwi wiwe, Natacha ntiyatevye kwereka akabirya mu giteramo. Ako kabirya si akandi, ni amafoto yafashwe uwo munsi w’igiteramo. Aho Natacha aboneka yambaye impuzu iyobeye imeze nk’akamwanya n’ikirato kigera kw’ivi.

Tubibutse ko Natacha yari mu giteramo co kuri uwo wa gatanu uheze igenekerezo rya 22 Nyakanga 2017.


Kumenyekanisha

1
Buhingo 26-09-2017 à 12:12

Ivyo bavyita la folie! Mu kirundi umuntu yambara i sachet murazi ingene bamufata....!

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha