Akajambo Fizzo yakoresheje muri "Konzi" gateye ikibazo muri Ikoh

Yanditswe na Cherif NKESHIMANA
Kuya 29 Myandagaro 2017 saa 06:43
Yasomwe : 7641
0 0

Ikoreshwa ry’ijambo "Itakuwa ngumu" mu ruririmbo rwa Fizzo bivugwa ko vyateye ikibazo muri Ikoh. Mu burongozi bw’iryo shirahamwe siko babibona kandi vyongeye ntibabishigikira.

Bimaze iminsi bivugwa vyongera vyandikwa ku mbuga ngurukanabumenyi ko akajambo "Itakuwa ngumu" Fizzo yashize mu ruririmbo "Konzi" bivugwa koba katosekaje imigenderanire iri hagati ya Ikoh na Big Fizzo n’umuhinyayuzi Kolly The Magic yakoze " Konzi" na Ikoh.

Mbega muri Ikoh babivugako iki?

Amakuru twakuye muri iryo shirahamwe amenyesha ko akajambo "Itakuwa ngumu" gafise amamuko muri iryo shirahamwe. Bavuga ko na Kolly yoba yari abizi ko "Itakuwa ngumu" kavugigwa muri Ikoh.

Si ivyo gusa, muri Ikoh nyene bavuga ko akajambo "Itakuwa ngumu" kahavuye kanahinduka umutwe w’ururirimbo rwa Franck Duniano rugiye gusohoka.

Tubajije ko hoba hari ingorane Ikoh ifitaniye na Fizzo hamwe na Kolly, batwishuye ko atayiriho. Ariko barongera ko atari vyiza mu gihe bishobora kwica akanovera k’ururirimbo mu gihe amajambo arugize asohotse imbere yarwo. Ikindi bavuga n’uko batari guhindura urwo ruririmbo mu gihe integuro yarwo yari igeze kure.

Tugiye kubaza Kolly The Magic kugira nawe agire ico ashikirije kuri ico kibazo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha