Lolilo aranegura abaririmvyi bariko basaza atawe baraze umwuga

Yanditswe na Cherif NKESHIMANA
Kuya 10 août 2017 saa 02:51
Yasomwe : 6858
0 0

Lolilo avuga ko arajwe ishinga n’ukuntu abaririmvyi ba kera badafasha abariko bararuka mu mwuga wo kuririmba. Uwo muririmvyi avuga ko ata bumwe buri hagati muribo kuva na kera na rindi. Yipfuza ko abaririmvyi bacaruka boshika aho aba kera bashitse, bagatungwa n’umuziki, nk’uko abaririmvyi bo mu bindi bihugu batungwa n’uwo mwuga.

Lolilo aranegura cane abaririmvyi bitwa ko bamaze kumenyekana cane mu muziki w’Uburundi no mu makungu batitaho abariko baruka. Lolilo abivuga ivyikurako kuko wewe yemeza ko hari abo amaze gusohora kandi bamaze no gutera intambwe iboneka.

Aha atanga akarorero k’umuririmvyi Gaga Blue yafashije mu kwemera bakaririmbana. "Lolilo Mzizi wa Jiwe" yongera ko wewe n’urunganwe rwiwe bariko barasaza bari bakwiye gutegura abazobasubirira.

JPEG - 86.5 ko
Umuririmvyi Lolilo

Lolilo abandanya avuga ko bitabereye ko umuririmvyi asaza atawe araze uwo mwuga. Kuri ivyo yongera akavuga ko abo baririmvyi barutse bashobora gushika aho bobo batashitse, maze bagatungwa n’ivyamwa vy’umuziki, nk’uko biri no mu bihugu bibanyi. Lolilo afatira akarorero ku muririmvyi Diamond Platnumz yateye imbere cane kubera umuziki.

Tubibutse ko aho bukera Lolilo azoba ari mw’isabukuru "Nyabugete Beach Summer Festival".


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha